Callirrhoe (Maand)

Callirrhoe (ok Jupiter XVII) is en vun de lütten buteren Maanden vun’n Planet Jupiter. Opdeckt weer de Maand an’n 6. Oktober 1999 vun de Astronomen Timothy B. Spahr, Jim V. Scotti, Robert S. McMillan, Jeff A. Larsen, Joe Montani, Arianna E. Gleason un Tom Gehrels in’n Rahmen vun’t Spacewatch-Projekt. De Wetenschopplers hebbt den Maand toeerst aver för en Asteroiden hollen. Eerst ni’n Juli 2000 hett Timothy Spahr rutfunnen, dat dat en wieteren Maand vunvn Jupiter weer. Nöömt is de Maand nu na Kallirhoe, de in de greekschen Mythologie de Moder vun Ganymed is. De vörlöpige Beteken vun den Maand weer toeerst S/1999 J 1.

Ümloopbahn

Callrrhoe löpt op en Ümloopbahn in en middleren Afstand vun 24.102.000 km vun’n Planeten. För een Ümloop bruukt de Maand ruchweg 759 Daag. De Bahn hett en grote Exzentrizität vun 0,283 un is üm 147,1 ° gegen den Äquater vun’n Jupiter neegt. De Bewegen vun den Maand is dormit retrograd, dat heet, dat sik Callrrhoe gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is liek as en poor annere Maandbahnen ok. Disse Maanden warrt dorüm tohopenfaat to de Pasiphae-Grupp, nöömt na den gröttsten Maand ut de Grupp.

Egenschoppen

Callirrhoe hett en middleren Dörmeter vun üm un bi 7 km un tellt dormit to de lütten Maanden. De Böverflach vun den Maand wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Aitne vör allen ut Silikat-Steen opboot is. Ok dor is de Maand liek de annern lütten Maanden vun’n Jupiter.

Maanden vun den Planeten Jupiter

Nöömt:  Adrastea | Aitne | Amalthea | Ananke | Aoede | Arche | Autonoe | Callirrhoe | Carme | Carpo | Chaldene | Cyllene | Dia | Eirene | Elara | Erinome | Ersa | Euanthe | Eukelade | Eupheme | Euporie | Europa | Eurydome | Ganymed | Harpalyke | Hegemone | Helike | Hermippe | Herse | Himalia | Io | Iocaste | Isonoe | Kale | Kallichore | Kallisto | Kalyke | Kore | Leda | Lysithea | Megaclite | Metis | Mneme | Orthosie | Pandia | Pasiphae | Pasithee | Philophrosyne | Praxidike | Sinope | Sponde | Taygete | Thebe | Thelxinoe | Themisto | Thyone | Valetudo

Ahn Naam:  S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Koppels:  Amalthea-Grupp | Galileische Maanden | Himalia-Grupp | Ananke-Grupp | Carme-Grupp | Pasiphae-Grupp

Kiek ok na bi: List von de Jupiter-Maanden