Sinope (Maand)

Sinope (ok Jupiter IX) is een vun de buteren Maanden vun’n Planet Jupiter.

Opdecken

De Maand is an’n 1. Juli 1914 vun den US-amerikaanschen Astronom Seth Barnes Nicholson an de Lick-Steernwacht opdeckt worrn. Nöömt is de na Sinope – dat is een Nymph ut de greekschen Mythologie, vun de Zeus wat weten wull un de vun Apollon entföhrt worrn is. De vörlöpige Beteken weer toeerst eenfach blots Jupiter IX, 1975 hett he eerst sien hüütigen offiziellen Naam kregen.

Ümloopbahn

Sinope kreist op en Ümloopbahn mit en middleren Afstand vun 23.939.000 km üm den Planeten un bruukt för een Ümloop üm un bi 758 Daag, 21 Stünnen un 36 Minuuten. De Bahn hett en Exzentrizität vun 0,2495 un is üm 158,109 ° gegen den Äquater vun’n Planeten neegt. De Bewegen vun den Maand is dormit retrograd, dat heet, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is liek as en poor annere Maandbahnen ok. Disse Maanden warrt dorüm tohopenfaat to de Pasiphae-Grupp, nöömt na den gröttsten vun disse Maanden.

Egenschoppen

Sinope hett en middleren Dörmeter vun ruchweg 38 km. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Sinope vör allen ut Silikat-Steen opboot is. Ok dorin is de Maand liek de annern ut de Pasiphae-Grupp un de meisten annern lütten Maanden.

Bornen

Weblenken

Seth B. Nicholson, "Discovery of the ninth satellite of Jupiter", PASP 26 (1914) 197–198

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden