Ananke (Maand)

Ananke (ok Jupiter XII) is en vun de buteren Maanden vun den Planet Jupiter. Opdeckt weer Ananke al an’n 28. September 1951 vun den US-amerikaanschen Astronomen Seth Barnes Nicholson an de Mount-Wilson-Steernwacht in Kalifornien, USA. Nöömt is de Maand na Ananke, de in de greekschen Mythologie en Leefste vun Zeus weer. Dissen offiziellen Naam hett de Maand aver eerst 1975 kregen. Dorvör weer he blots Jupiter XII nöömt.

Ümloopbahn

De Maand kreist op en Ümloopbahn mit en middleren Afstand vun 21.276.000 km üm den Jupiter. Dorför bruukt he ruchweg 629 Daag un 18 Stünnen. De Bahn hett en Exzentrizität vun 0,2435 un is üm 148,889 ° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik de Maand gegen den de Richten vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liekers as ok de Bahnen vun annere Maanden. De warrt dorüm tohopenfaat to de Ananke-Grupp, nöömt na dissen Maand, as dat de gröttste dorvun is.

Egenschoppen

Ananke is mit en middleren Dörmeter vun 28 km en vun de lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Ananke tomehrst ut Silikat-Steen opboot is.

Websteden

Lenk op en Bericht ut dat Johr 1951 över’t Opdecken vun den Maand (eng.)

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden