Büls

Büls is en Oort un Gemeen in de Samtgemeen Tarms in’n Landkreis Rodenborg (Wümm) mit 775 Inwahners (Stand 31. Dezember 2023). De Gemeen sett sik ut dree Oortsdelen tohopen. Blangen Büls, dat sik ut Olenbüls un Neenbüls tohoopsett, sünd dat de Dörper Oosterbrook un Steenfeld.

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Tarms

Flach:

25,53 km²

Inwahners:

775 (31. Dezember 2023)

25 m över de See

27412 (ehmols: 2733)

04283, 04288

Koordinaten:53° 13′ N, 9° 10′ O53° 13′ N, 9° 10′ O

Grenzen bi OSM:

965607

Gemeenslötel:

03 3 57 010

Öörd in de Gemeen:

3

Börgermeester:

Friedhelm Immig (WG Büls)

Websteed:

www.tarmstedt.de

Koort

Kreis

Geografie

De Gemeen Büls liggt an’n Süüdoostrand vun de Samtgemeen Tarms un hett na’n Westen hen Kuntakt to de Navergemenen Vörwark, Wilst, Tarms, Westertimk un Karktimk. Na’n Oosten to grenzt de beiden Gemenen Zeven un Jeem vun de Samtgemeen Zeven an un in’n Süüden is en lütt Stück, woneem en Grenz na de Samtgemeen Söttmer besteiht mit de Gemeen Horß.

De Landschap is ländlich prägt mit Kulturflachen un Wooldrebeden. Ok Moorland is to finnen, so as to’n Bispeel dat 22 Hektar grote Swarte Moor, dat in’n Noordoosten vun Büls liggt un ünner Naturschuul steiht.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

De Gemeen Büls is noch teemlich jung. Se weer 1972 ut de dree Oortsdelen tosamenleggt. De eersten Wahnsteden geev dat in Steenfeld al vör ruchweg 40.000 Johren. Dorvun künnt en Reeg vun Bultengräver in de Steenfeller Feldmark. Man eerst 1150 is Büls dat eerste mol in en Oorkunn nöömt.^[1]

Religion

Büls is evangeelsch-luthersch präägt un höört to dat Kaspel von de Petri-Kark in Wilst.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Wapen un Flagg

Dat Wapen von de Gemeen wiest op grönen Grund en sülvern Wellenbalken, de von vörn ünnen na achtern baven löppt. Vörn baven is en sülvern Koornwatermöhl to sehn mit en Waterrad mit dree swarte Speken, dat halv to sehn is. Ünnen achtern is en gollen Hünengraff mit dree Draagsteen un een Decksteen to sehn, dat von en Kranz ut 18 Steen ümgeven is.

De Flagg is gröön - witt - gröön un wiest in de Midd in dat bredere witte Feld dat Wapen von de Gemeen.

Politik

De Gemeenraat vun Büls ümfaat negen Lüüd, de sik ut Wählergruppen tohopensett:

Partei	2016	2011	2006
WG Büls	4	5	6
WG Steenfeld	2	3	3
SPD	2	—	—
Gröne	1	—	—
Albinger	—	1	—

Kultur

De Gemeen wiest sik as tyypsch ländlich un is prägt vun landweertschopplich bruukte Flachen ümto. För de Freetiet steiht en Sportanbott praat. Dorför gifft dat Sportanlagen, en Scheetstand un en Turnhall. utendem is Büls Standoort vun en Grundschool un vun en Kinnerspeelkreis.

Verkehr

Dör Büls föhrt de K 117, de in Wilst an wietere Kreisstraten anslutt un na Westen an de L 132 ranföhrt. An de L 132 liggt de Oortsdeel Steenfeld, de över de Landsstraat mit Vörwark in’n Süden un mit Brüttendörp in de Samtgemeen Zeven verbunnen is. Bedüden Verkehrsweeg gaht nich dör dat Gemeenrebeet, man de neegste Ansluss an de A 1 över de Opfohrt 49 Bokel is ruchweg 10 km wiet weg.

Literatur

Renate Matysiak: Bülstedt - Steinfeld. Aus der Geschichte zweier Dörfer. Editschoon Temmen, Bremen 1992, ISBN 3-926958-92-8

Borns

↑ http://www.tarmstedt.de/default.cfm?mid=22490

Weblenken

Büls. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)

[1] ttp://www.tarmstedt.de/default.cfm?mid=22490

[1]