Düngel
Dit Woort hett noch annere Bedüden: kiek dorför ünner Daniel Düngel.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04209 | |
| Geograafsche Laag: | Koordinaten:53° 17′ N, 8° 38′ O53° 17′ N, 8° 38′ O | |
|
| ||
Düngel (hoochdüütsch Düngel) is en Hoff in de Gemeen Hagen in’n Landkreis Cuxhoben, Neddersassen. De Hoff höört polietsch al von öllers bi Leernst mit bi.
Geografie
ännernDe Hoff liggt op de Oosterholter Geest in’n Forst Düngel. Dat Water ut dat Rebeed flütt af na’n Aschwarder Floodgraven.
De Naveröörd sünd Leernst in’n Noorden, Hein, Wolsbuddel un Brockmannsmöhlen in’n Noordoosten, Vosloog un Buggehorn in’n Oosten, de Meyenbörger Wahnplätz Grote-Kamp un Brakland in’n Süden, de Meyenbörger Wahnplätz Brandbarg un Swanenbarg in’n Süüdwesten un Seedörp in’n Noordwesten.
Historie
ännernDe Hoff Düngel is 1770 as Forsthuus anleggt worrn. Vörher harr de Hoff Seedörp de Forstopsicht in’n Forst Düngel, de vondaag en Grött von 240 Hektar hett. 1885 is dat hüdige Forsthuus boot worrn.
Bi Düngel in’t Holt doot ok de Ganggräver Leernst 82 un 83 liggen.
Verwaltungsgeschicht
ännernIn de Franzosentied von 1810 bet 1814 hett de Hoff to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Hoff hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
Düngel hett fröher jümmer to de Gemeen Leernst mit tohöört. De Gemeen Leernst is an’n 1. März 1974 mit de Gemeenreform in Neddersassen Deel von de Gemeen Wolsbuddel worrn. An’n 1. Januar 2014 is de Gemeen Wolsbüddel denn an de ne’e Gemeen Hagen kamen. Binnen de Gemeen billt nu Leernst en Oortschop, to de ok Düngel mit tohöört.
Inwahnertall
ännern| Johr | Inwahners |
|---|---|
| 1812[1] | 4 |
| 1848[2] | 6 Lüüd, 1 Huus |
| 1. Dezember 1871[3] | 6 Lüüd, 1 Huus |
| 1. Dezember 1885[4] | 5 Lüüd, 1 Huus |
| 1. Dezember 1905[5] | 3 Lüüd, 1 Huus |
Religion
ännernDüngel is evangeelsch-luthersch präägt un höört to dat Kaspel von de Lucia-Kark in Wolsbuddel.
För de Kathoolschen is de Hillig-Hart-Jesu-Kark in Geestmünn tostännig.
De Lüüd warrt op’n Karkhoff in Leernst begraven. De is 1959 anleggt worrn. Vörher sünd de Lüüd bi de Kark in Wolsbuddel begraven worrn.
Weertschop un Infrastruktur
ännernFör Düngel is de freewillige Füürwehr mit tostännig.
Verkehr
ännernDe lüttje Straat, an de Düngel liggt, löppt in’n Noordoosten na Leernst an de Kreisstraat 48 un in’n Süüdwesten na Meyenborg an de Landsstraat 134. Von dor geiht de L 134 in’n Süden na Swonewebel un Bremen-Blomendal un in’n Noorden över Uthleer na Hagen. De K 48 föhrt von Leernst in’n Westen na Uthleer un in’n Oosten över Wolsbuddel an de L 135.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so dree Kilometer in’n Noordwesten von Düngel an de K 48.
De nächste Bahnhoff is so bi 15 Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Scholen
ännernBet 1970 sünd de Kinner von Düngel op de Volksschool in Leernst gahn. Nu gaht de Kinner op de Grundschool Uthleer un för de annern Schoolformen na Hagen.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)