Seelhorn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04795 | |
| Geograafsche Laag: | Koordinaten:53° 19′ N, 8° 42′ O53° 19′ N, 8° 42′ O | |
|
| ||
Seelhorn (hoochdüütsch Seelhorn) is en Hoff in de Gemeen Hagen in’n Landkreis Cuxhoben, Neddersassen. De Oort höört polietsch al von öllers bi Hoop mit bi.
Geografie
ännernDe Oort liggt op de Oosterholter Geest. Dat Water ut dat Rebeed flütt över den Hooper Dörpgraven na de Drept hen af.
De Naveröörd sünd Albst un Büggeln in’n Noordoosten, Haslah in’n Oosten, de Feldhoff, Ohlenst un Aßbarg in’n Süüdoosten, Garlst un Brockmannsmöhlen in’n Süden, Woldar in’n Westen un Wolsbuddel in’n Noordwesten.
Historie
ännernSeelhorn weer en Goodshoff von dat Good Neenhusen un is dorüm in fröhere Tieden as separaten Oort von Hoop opfaat worrn.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Seelhorn weer fröher in dat Gericht Neenhusen. Twüschen 1824 un 1848 is de Oort in dat Amt Hagen wesselt un hett dor to de Böörd Braamst höört. Nadem dat Amt 1885 oplööst worrn is, weer Seelhorn in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. März 1974 is de ole Gemeen Hoop mit de Gemeenreform in Neddersassen Deel von de Gemeen Wolsbuddel worrn. An’n 1. Januar 2014 is de Gemeen Wolsbuddel denn an de ne’e Gemeen Hagen kamen. Sietdem höört Seelhorn to de polietsche Oortschop Hoop binnen de Gemeen Hagen.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1812[2] | 7 |
| 1824[3] | 1 Füürsteed |
| 1848[4] | 5 Lüüd, 1 Huus |
| 1. Dezember 1871[5] | 8 Lüüd, 1 Huus |
| 1. Dezember 1885[6] | 7 Lüüd, 1 Huus |
| 1. Dezember 1905[7] | 9 Lüüd, 1 Huus |
Religion
ännernSeelhorn is evangeelsch-luthersch präägt un höört to dat Kaspel von de Lucia-Kark in Wolsbuddel.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
ännernVerkehr
ännernSeelhorn liggt dicht bi de Landsstraat 135, de in’n Noordwesten an Hagen un Stotel vörbi na Bremerhoben to löppt un in’n Süüdoosten över Garlst na Ihlpohl un Bremen-Noord hen. Stück noorden von Hoop geiht von de L 135 de Kreisstraat 48 af, de in’n Noordoosten na Büggeln, Albst un Wohlthöben löppt un in’n Westen na Wolsbuddel un Leernst.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt good söss Kilometer in’n Westen von Seelhorn an de K 48.
De nächste Bahnhoff is so bi acht Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 210
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 558
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)