Grienenbargshusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 21′ N, 8° 36′ O53° 21′ N, 8° 36′ O | |
|
| ||
Grienenbargshusen (hoochdüütsch Grienenbergshausen) is en lütten Oort in de Gemeen Hagen in’n Landkreis Cuxhoben, Neddersassen. De Oort höört binnen de Gemeen to de polietsche Oortschop Kassbrook.
Geografie
ännernDe Oort liggt op’n Rand von de Oosterholter Geest hen na dat Moor in dat Siedland von de Oosterstoder Masch. Dat Water ut dat Rebeed flütt över’n Grienenbargsmoorgraven un den Indiekkanaal na de Werser hen af. In’n Noordwesten liggt dat Naturschuulrebeed Bargsmoor.
De Grienenbarg, na den de Oort sien Naam kregen hett, liggt twee Kilometer in’n Süden un is von Grienenbargshusen dör dat Grienenbargsmoor trennt.
De Naveröörd sünd Wittenbarg in’n Noorden, Driftseth, Kassbrook un Kassbroker Heid in’n Noordoosten, Hagen in’n Oosten, de Harmonie in’n Süüdoosten, Uthleererbarg un Offenwardermoor in’n Süüdwesten, Saanstermoor in’n Westen un Rechtenflethermoor in’n Noordwesten.
Historie
ännernIn’n Eersten Weltkrieg hett dat in Grienenbargshusen dat Grienenbarg-Kriegsfungenenlager geven.
Verwaltungsgeschicht
ännernDe Oort hett vör 1852 to dat Gericht Kassbrook tohöört un denn bet 1885 to dat Amt Hagen. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett von öllers bi de Gemeen Kassbrook mit tohöört. De Gemeen Kassbrook is an’n 1. März 1974 mit de Gemeenreform in Neddersassen oplööst un Deel von de ne’e un gröttere Gemeen Hagen worrn. To’n 1. Januar 2014 is ok disse Gemeen oplööst worrn un in de nu noch wedder gröttere Gemeen Hagen opgahn. De Oort höört binnen de Gemeen vondaag to de Oortschop Kassbrook.
Inwahnertall
ännern| Johr | Inwahners |
|---|---|
| 1. Dezember 1871[1] | 20 Lüüd, 3 Hüüs |
| 1. Dezember 1885[2] | 13 Lüüd, 4 Hüüs |
| 1. Dezember 1905[3] | 37 Lüüd, 4 Hüüs |
Religion
ännernGrienenbargshusen is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
ännernFör Grienenbargshusen is de freewillige Füürwehr Kassbrook mit tostännig.
Verkehr
ännernGrienenbargshusen is anbunnen an de Kreisstraat 51, de in’n Westen na Saans an de K 50 ran geiht un in’n Süüdoosten na Hagen an de Landsstraat 134. De L 134 föhrt von dor in’n Noordoosten över Braamst, Bokel un Stubben na Beverst un in’n Süüdwesten na Uthleer un Swonewebel.
De nächste Autobahn is de Autobahn 27 (Afsnidd Bremen–Bremerhoben), de blots en poor hunnert Meter wied weg an’n Oort langs löppt. De Opfohrt 12 Hagen liggt so dree Kilometer in’n Noordwesten von Grienenbargshusen an de K 51.
De nächsten Bahnhööv sünd so bi 15 Kilometer wied weg in’n Noordoosten/Oosten de Bahnhööv Luunst, Stubben un Lübbs an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhoff Saans leeg acht Kilometer in’n Westen.
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)
