Kassbroker Heid
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 22′ N, 8° 37′ O53° 22′ N, 8° 37′ O | |
|
| ||
Kassbroker Heid (hoochdüütsch Kassebrucher Heide) is en lütten Oort in de Gemeen Hagen in’n Landkreis Cuxhoben, Neddersassen. De Oort höört binnen de Gemeen to de polietsche Oortschop Kassbrook.
Geografie
ännernDe Oort liggt op de Oosterholter Geest bi’n Grienenbarg. Dat Water ut dat Rebeed flütt an de Oostsied von’n Grienenbarg na de Drept hen af un an de Westsied över Gravens in’n Indiekkanaal un na de Werser. Dat Rebeed, dat in’n Westen liggt, an de Grenz na Oosterstood, is allens Moor.
De Naveröörd sünd Driftseth un Kassbrook in’n Noordoosten, Hagen in’n Süüdoosten, de Harmonie in’n Süden, Uthlederbarg un Offenwardermoor in’n Süüdwesten un Saanstermoor, Rechtenflethermoor un Wittenbarg in’n Noordwesten.
Historie
ännernKassbroker Heid is in dat 19. Johrhunnert as Anbo von Kassbrook ut grünnt worrn. Ünner annern hett dat dor en Afdeckeree geven.
Verwaltungsgeschicht
ännernDe Oort hett vör 1852 to dat Gericht Kassbrook tohöört un denn bet 1885 to dat Amt Hagen. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett von öllers bi de Gemeen Kassbrook mit tohöört. De Gemeen Kassbrook is an’n 1. März 1974 mit de Gemeenreform in Neddersassen oplööst un Deel von de ne’e un gröttere Gemeen Hagen worrn. To’n 1. Januar 2014 is ok disse Gemeen oplööst worrn un in de nu noch wedder gröttere Gemeen Hagen opgahn. De Oort höört binnen de Gemeen vondaag to de Oortschop Kassbrook.
Inwahnertall
ännern| Johr | Inwahners |
|---|---|
| 1. Dezember 1905[1] | 15 Lüüd, 4 Hüüs |
Religion
ännernKassbroker Heid is evangeelsch-luthersch präägt un höört to dat Kaspel von de Martin-Luther-Kark in Hagen. De Kark is 1897 boot worrn. Vörher hett de Oort to dat Kaspel von de Jacobi-Kark in Braamst höört.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
ännernFör Kassbroker Heid is de freewillige Füürwehr Kassbrook mit tostännig.
Verkehr
ännernKassbroker Heid liggt an de Kreisstraat 51, de in’n Westen na Saans an de K 50 ran geiht un in’n Süüdoosten na Hagen an de Landsstraat 134. De L 134 föhrt von dor in’n Noordoosten över Braamst, Bokel un Stubben na Beverst un in’n Süüdwesten na Uthleer un Swonewebel.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so dree Kilometer in’n Noordwesten von Kassbroker Heid an de K 51.
De nächste Bahnhoff is so bi 13 Kilometer wied weg in’n Oosten de Bahnhoff Lübbs an de Bahnlien Bremen–Bremerhoben. Ok de Bahnhoff Stubben un de Bahnhoff Lox in’n Noordoosten sünd mit 14 Kilometer ähnlich wied weg.
Footnoten
ännern- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)