Hipst

Hipst is en Gemeen in’n Landkreis Rodenborg (Wümm) in Neddersassen. Se höört to de Samtgemeen Geestborn un hett 1225 Inwahners (Stand 31. Dezember 2023). Blangen den Hööftoort höört ok de Oortsdeel Op de Hööv to de Gemeen.

Wapen/Flagg	Koort
Basisdaten
Bundsland: Neddersassen Landkreis: Rodenborg (Wümm) Samtgemeen: Geestborn
Flach:	29,4 km²
Inwahners:	1225 (31. Dezember 2023)
Hööchd:	24 m över de See
Postleettall:	27432
Vörwahl:	04768
Geograafsche Laag:	53° 30′ N, 8° 58′ O
Grenzen bi OSM:	1079015
Gemeenslötel:	03 3 57 027
Öörd in de Gemeen:	2
Börgermeester:	Gerhard Oetjen (WFB)
Websteed:	www.geestequelle.de
Koort Kreis Hipst in’n Landkreis Rodenborg (Koort lett sik anklicken)

Geografie

De Gemeen Hipst liggt in’n Noorden vun’n Landkreis und grenzt an de Gemenen Basdaal, Oerel un Eversdörp, de ok all to de Samtgemeen Geestboorn tellt. Na Noorden un na Westen hen slutt sik de Landkreis Cuxhoben an.

De Landschop is vör allen vun de Bueree prägt, bargt aver ok veel Wooldrebeden. In’t Gemeenrebett liggt butendem ok de Born vun de Geest, wat de nöördlichste Tostroom na de Werser is un in Bremerhoben münnen deit.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

De hüütige Karn vun’n Hipst is de Oortsdeel Löh, woneem vör’n Tweeten Weltkrieg en Wahnsteed för de Marine boet worrn is.

De Hööv Freedag un Sünnerwoold ut de Gemeen Op de Hööv sünd 1922 an de Gemeen Hipst wesselt. De Gemeen Op de Hööv is mit de Gemeenreform in Neddersassen an’n 1. März 1974 ingemeent worrn. To de sülven Tiet is ok de Samtgemeen inricht worrn.

Religion

Hipst is evangeelsch-luthersch präägt un billt mit de Bethlehem-Kark en egen Kaspel. Disse Kark is 1958 bet 1960 boot un 1961 egenstännig worrn. Vörher hett de Oort to dat Kaspel Örel tohöört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik

De Gemeen Hipst hett siet 1990 en Partnerschop mit Hüpstedt in de Gemeen Dünwald in’n Unstrut-Hainich-Kreis, Döringen.

Gemeenraat

De Gemeenraat vun Hipst besteiht ut ölven Lüüd. Siet de letzten Kommunalwahl in’n September 2016 sett de sik as folgt tohopen:

Partei	2016	2011	2006
CDU	3	1	1
SPD	–	1	—
WFB	8	9	10

Börgermeester

Tied	Börgermeester	Partei
1961-2011	Karlheinz Poredda	WFB
2011-	Gerhard Oetjen	WFB

Weertschop un Infrastruktur

De Volksbank Oosterholt-Scharmbeek hett in Hipst in de Bahnhoffstraat 27 en Filiaal.

Verkehr

Hipst sülvst liggt an keen gröttere Straat. Dör den Oortsdeel Op de Hööv föhrt aver de K 116, de de L 128 mit de B 71/B 74 verbinnt. In’n Süüden vun Hipst verlöppt de Variante vun de plaante Bundsautobahn 22, de an’n leefsten ümsett warrn schall.

Hipst hett en Bahnhoff (Bahnhoff Op de Hööv), de an de Bahnlien Buxthu–Bremerhoben liggt.

Weblenken

Hipst. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)

Ahusen | Alfs  | Annerlingen  | Basdaal | Boitzen | Bootel | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Söttmer | Stemmen | Sürsen | Tarms | Tiss | Vahl | Vierden | Visselhöövd | Vörwark | Westertimk | Westerwals | Wilst | Woonst | Zeven | Zittens