Uthleer
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 15,46 km² | |
| Inwahners: | ||
| Hööchd: | 10 m över NN | |
| Postleettall: | 27628 | |
| Vörwahl: | 04296 | |
| Geograafsche Laag: | Koordinaten:53° 19′ N, 8° 35′ O53° 19′ N, 8° 35′ O | |
|
| ||
Uthleer (hoochdüütsch Uthlede) is en Dörp in de Gemeen Hagen in’n Landkreis Cuxhoben, Neddersassen. De Oort billt binnen de Gemeen Hagen en egen polietsche Oortschop.
Bi Uthleer höört ok de lüttje Oort Cleve mit to.
Geografie
ännernDe Oort liggt an’n Rand von de Oosterholter Geest op en Geestsporn, de in de Oosterstoder Masch rinraagt. Dat Gelänn fallt hier von de Geest na de Masch stark af. In’n Noordoosten liggt dat Naturschuulrebeed Borner Moor.
De Naveröörd sünd Weersbermoor un Uthleerbarg in’n Noorden, de Harmonie in’n Noordoosten, Neenhusen, Born un Leernst in’n Oosten, Seedörp un Meyenborg in’n Süüdoosten, Brook, Aschwarden un Wortfleet in’n Süüdwesten, Rechtebe in’n Westen un Weersbe, Offenwarden un Rechtebermoor in’n Noordwesten.
Historie
ännernUthleer kummt 1110 as Utlidi toeerst in de Oorkunnen vör. En Eddelfamilie de Lyd is von 1173 bet 1269 nawiest.
In’n Eersten Weltkrieg sünd 42 Soldaten ut Uthleer fullen oder vermisst un in’n Tweten Weltkrieg 79.[1]
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Uthleer in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Weersbe in’n Kanton Hagen.
De Oort hett vör 1885 to’n Bezirk Oosterstood von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort weer fröher en egenstännige Gemeen, de siet 1. Januar 1970 Maat von de Samtgemeen Hagen weer. Mit de Gemeenreform in Neddersassen an’n 1. März 1974 is Uthleer noch egenstännig bleven, aver an’n 1. Januar 2014 is de Gemeen denn tohoop mit de ganze Samtgemeen Hagen oplööst un Deel von de ne’e Gemeen Hagen worrn. Sietdem billt Uthleer binnen de Gemeen en Oortschop mit egen Oortsbörgermeester un Oortsraad.
Inwahnertall
ännern- tohoop mit Uthleerbarg
| Johr | Inwahners |
|---|---|
| 1791[2] | 107 Füürsteden |
| 1812[3] | 595 |
| 1824[4] | 113 Füürsteden |
| 1848[5] | 730 Lüüd, 123 Hüüs |
| 1. Dezember 1871[6] | 679 Lüüd, 127 Hüüs |
| 1. Dezember 1885[7] | 649 Lüüd, 125 Hüüs |
| 1. Dezember 1905[8] | 645 Lüüd, 121 Hüüs |
| 1. Dezember 1910[9] | 684 |
| 1925[10] | 714 |
| 1933[10] | 727 |
| 1939[10] | 698 |
Religion
ännernUthleer is evangeelsch-luthersch präägt un billt mit de Nicolai-Kark en egen Kaspel.
För de Kathoolschen is de Hillig-Hart-Jesu-Kark in Geestmünn tostännig.
Wapen
ännernDat Wapen von de fröhere Gemeen Uthleer wiest op blauen Grund en sülvern Rammkopp mit twee gollen, wunnen Höörn.
Utklamüsert hett dat Wapen de Heraldiker Albert de Badrihaye.
Gemeenraad/Oortsraad
ännernGemeenraad:
| Johr \ Partei | Tall | CDU | SPD | Gröne | WG |
|---|---|---|---|---|---|
| 2011 | 11 | 5 | 4 | 1 | 1 |
- Liddmaten
- 2011:
- CDU: Martin Reiners, Heiko Schnibbe, Harald Schröder, Cornelia Trowitzsch, Jörg Warnke
- SPD: Frank Steenblock, Brigitte Steger, Michael Thiemann, Marco Vehrenkamp
- Gröne: Karen Lingner-Bahr
- WG: Harald Schröder
Oortsraad:
| Johr \ Partei | Tall | CDU | SPD | Gröne |
|---|---|---|---|---|
| 2014 | 5 | 3 | 2 | |
| 2016 | 5 | 2 | 2 | 1 |
- Liddmaten
- 2014:
- CDU: Martin Reiners, Carsten Schröder, Cornelia Trowitzsch
- SPD: Frank Steenblock, Marco Vehrenkamp
- Gröne:
- 2016:
- CDU: Martin Reiners, Cornelia Trowitzsch
- SPD: Tobias Maack, Marco Vehrenkamp
- Gröne: Karen Lingner-Bahr
Börgermeesters/Oortsbörgermeesters
ännernBörgermeesters:
| Tied | Naam | Partei |
|---|---|---|
| –31. Oktober 2011 | Günter Tietje | CDU |
| 1. November 2011–31. Dezember 2013 | Marco Vehrenkamp | SPD |
Oortsbörgermeesters:
| Tied | Naam | Partei |
|---|---|---|
| 1. Januar 2014–31. Oktober 2016 | Cornelia Trowitzsch | CDU |
| 1. November 2016– | Marco Vehrenkamp | SPD |
Kultur
ännernEn Denkmaal för de Fullenen ut de twee Weltkrieg’ steiht in Uthleer op’n Karkhoff.
In Uthleer gifft dat ok en Pumuckl-Museum.
Verenen
ännernDe Schüttenvereen Uthleer is 1897 grünnt worrn un de Sportvereen TSV Uthleer 1925. De TSV Uthleer un de Hagener Sportvereen hebbt 2000 tohoop den FC Hagen/Uthleer grünnt.
Weertschop un Infrastruktur
ännernUthleer hett en egene freewillige Füürwehr, de 1897 grünnt worrn is.
Verkehr
ännernDör Uthleer löppt de Landsstraat 134, de in’n Noordoosten över Hagen, Braamst, Bokel un Stubben na Beverst an de Bundsstraat 71 ran geiht un in’n Süden över Meyenborg un Swonewebel na Blomendal (Bremen-Noord). In’n Westen geiht von de L 134 de Kreisstraat 49 af na Rechtebe un Wortfleet un in’n Oosten de K 48 na Leernst un Wolsbuddel. En lüttjere Straat gifft dat ans noch na Brook.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so dree Kilometer in’n Oosten von Uthleer an de K 48.
De nächste Bahnhoff is so bi 16 Kilometer wied weg in’n Oosten de Bahnhoff Lübbs an de Bahnlien Bremen–Bremerhoben. Von 1911 bet 1931 hett dat op de Nedderwerserbahn ok Personenverkehr geven. In düsse Tied leeg de nächste Bahnhoff dree Kilometer in’n Westen in Rechtebe.
Scholen
ännernDe Kinner ut dat Dörp gaht na de Grundschool Uthleer. Later mööt se in Hagen op School gahn.
Literatur
ännern- Von Utlidi 1110 nach Uthlede 2010. Eine Zeitreise durch neun Jahrhunderte. Uthleer 2009
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 232
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 614
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
ännern
- Websteed över dat Dörp (hoochdüütsch)
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)